സ്കൂള്‍ ഫോണ്‍ നം :0495-2278060 ഹെഡ്മാസ്റ്റര്‍ ഫോണ്‍ നം :9497746418 ഇമെയില്‍ : gtlpsvalanthode@gmail.com , സ്കൂള്‍ അഡ്രസ്സ്: ഗവ.ട്രൈബല്‍ എല്‍.പി.സ്കൂള്‍ വാളം‌തോട്,കക്കാടം‌പൊയില്‍ പി.ഒ.,മലപ്പുറം,673604... സബ് ജില്ല: നിലമ്പൂര്‍ ,ഗ്രാമപഞ്ചായത്ത് : ചാലിയാര്‍

14 Nov 2017

ശിശുദിനം 2017 ആഘോഷിച്ചു.

          ശിശുദിനം 2017 വിവിധ പരിപാടികളോടെ വാളംതോട് ജി ടി എല്‍ പി സ്കൂളില്‍ ആഘോഷിച്ചു. ശിശുദിന റാലിയും, ശിശുദിന പതിപ്പിന്റെ പ്രകാശനവും, നെഹ്രുവിന്റെ വേഷമണിഞ്ഞ കുട്ടിയും , കലാപരിപാടികളും, ശിശുദിന സന്ദേശങ്ങളും ആഘോഷത്തിനു മാറ്റു കൂടി. വാര്‍ഡ് മെബര്‍ ശ്രീ അനീഷ് അഗസ്റ്റ്യന്‍, എസ്.എം.സി. ചെയര്‍മാന്‍ ശ്രീ ബിജു ചക്കരമാക്കല്‍, രക്ഷിതാക്കള്‍ തുടങ്ങിയവര്‍ ചടങ്ങുകളില്‍ സംബന്ധിച്ചു. ഇതോടനുബന്ധിച്ച് കുട്ടികള്‍ക്കായി ശിശുദിന ക്വിസ് മത്സരവും, ചിത്രരചന മത്സരവും സംഘടിപ്പിച്ചിരുന്നു. ഉച്ചയ്ക്ക് ബിരിയാണി വിതരണത്തോടെ പരിപാടികള്‍ക്കു സ്മാപനമായി.

3 Nov 2017

സ്കൂള്‍ ജൈവവേലി നിര്‍മ്മാണത്തിനു തുടക്കമായി.


    വാളംതോട് സ്കൂളില്‍ ജൈവവേലി നിര്‍മ്മാണത്തിനു തുടക്കമായി. സ്കൂള്‍ കോമ്പൊണ്ടിനു ചുറ്റും  സസ്യങ്ങള്‍ നട്ടു പിടിപ്പിച്ച് സംരക്ഷിക്കുന്നതിനു ഭാഗമായി കരിമ്പ്, കൊന്ന തുടങ്ങിയ സസ്യങ്ങള്‍ വച്ചു പിടിപ്പിച്ചു. ഹെഡ്മാസ്റ്റര്‍ കെ ആര്‍ പ്രേമരാജന്‍ പദ്ധതിക്കു നേത്യത്വം നല്‍കി

14 Oct 2017

വായനാമൂല ഉദ്ഘാടനം ചെയ്തു.


  കുട്ടികളില്‍ വായനാശീലം വളര്‍ത്തുന്നതിന്റെ ഭാഗമായി സ്ഥാപിച്ച വായനാമൂല വാര്‍ഡ് മെബര്‍ ശ്രീ അനീഷ് അഗസ്റ്റ്യന്‍ ഉദ്ഘാടനം ചെയ്തു. വിവിധ ബാലപ്രസിദ്ധീകരണങ്ങള്‍, ആനുകാലിക പ്രസിദ്ധീകരണങ്ങള്‍, പാഠഭാഗവുമഅയി ബന്ധപ്പെട്ട വായനാ സാമഗ്രികള്‍ തുടങ്ങിയവ വായനാമൂലയിലൂടെ കുട്ടികള്‍ക്ക് ലഭ്യമാക്കി വരുന്നു.

4 Oct 2017

കപ്പക്ക്യഷിയുടെ വിളവെടുപ്പ് നടത്തി.

        എസ്.എം.സി യുടെയും ദേശീയ ഗ്രാമീണ തൊഴിലുറപ്പ് പദ്ധതിയുടെ സഹകരണത്തോടെ സ്കൂള്‍ പറമ്പില്‍ ക്യഷി ചെയ്തിരുന്ന കപ്പയുടെ വിളവെടുപ്പ് നടത്തി. എസ്.എം.സി ചെയര്‍മാന്‍ ശ്രീ ബിജു ചക്കരമാക്കല്‍ വിളവെടുപ്പിന് നേത്യത്വം നല്‍കി.ഒരു ക്വിന്റലോളം വരുന്ന കപ്പയാണ് വിളവെടുപ്പ് നടത്തിയത്.

3 Oct 2017

ശ്രീ സജി സാറിന് സ്നേഹോഷ്മളമായ യാത്രയയപ്പ് നല്‍കി.


        ഒരു പതിറ്റാണ്ടിലധികം ഈ മലയോര വിദ്യാലയത്തിലെ സമര്‍പ്പിത സേവനത്തിനു ശേഷം വിടപറയുന്നശ്രീ സജി സാറിന് വാളംതോട് സ്കൂള്‍ എസ്.എം.സിയുടെ ആഭിമുഖ്യത്തില്‍ രക്ഷിതാക്കളും, പൂര്‍വ്വ വിദ്യാര്‍ത്ഥികളും, നാട്ടുകാരും ചേര്‍ന്ന് സ്നേഹോഷ്മളമായ യാത്രയയപ്പ് നല്‍കി. 2001മുതല്‍ 2017 വരെയുള്ള വിവിധ സമയങ്ങളില്‍  ഇവിടെ സേവനം ചെയ്ത അദ്ദേഹം മികച്ച ഒരു അധ്യാപകനും അതോടൊപ്പം ഈ സ്കൂളിന്റെ അഭ്യുദയകാംഷിയുമായിരുന്നു. ആദിവാസി പിന്നോക്ക മേഖലയായ ഈ പ്രദേശത്തെ നിരവധിയായ കുട്ടികള്‍ക്ക് അറിവിന്റെ അക്ഷരവെളിച്ചം പകര്‍ന്നു നല്‍കിയ ശ്രീ സജി സാറിനെ ഈ വിദ്യാലയത്തിന് മറക്കാനാവില്ല.
Related Posts Plugin for WordPress, Blogger...