സ്കൂള്‍ ഫോണ്‍ നം :0495-2278060 ഹെഡ്മാസ്റ്റര്‍ ഫോണ്‍ നം :9497746418 ഇമെയില്‍ : gtlpsvalanthode@gmail.com , സ്കൂള്‍ അഡ്രസ്സ്: ഗവ.ട്രൈബല്‍ എല്‍.പി.സ്കൂള്‍ വാളം‌തോട്,കക്കാടം‌പൊയില്‍ പി.ഒ.,മലപ്പുറം,673604... സബ് ജില്ല: നിലമ്പൂര്‍ ,ഗ്രാമപഞ്ചായത്ത് : ചാലിയാര്‍

6 Feb 2018

വീരപഴശ്ശി സ്മരണകളുണർത്തുന്ന ഗുഹാമുഖത്ത് ഒരു സംഗമം.

    
          അതിരുകള്‍ക്കപ്പുറത്തേക്ക് ആകാശവേരുകള്‍ തേടി നായാടംപൊയിലിന്റെ നയന ചാരുതയിലൂടെ ഒരു ചെറു നടത്തം.......

    നാട്ടുപച്ചകള്‍ തൊട്ടറിഞ്ഞ് നാട്ടുഭക്ഷണങ്ങള്‍ പങ്കിട്ടെടുത്തു കഴിച്ച് മലമുകളിലേക്ക്......

   വീരപഴശ്ശി സ്മരണകളുണര്‍ത്തുന്ന ഗുഹാ മുഖത്ത് ഒരു സംഗമം, കലാപരിപാടികള്‍...

    കാട്ടറിവുകള്‍ കേട്ടറിഞ്ഞ് ഉച്ച വെയിലിന്റെ തീച്ചൂടിനെ തോല്പ്പിക്കുന്ന മലങ്കാറ്റിന്റെ കുളിരില്‍ കഥ പറഞ്ഞൊരു മലകയറ്റം ....

     അറിവുകള്‍ക്കൊരു പരിധിയുമില്ലെന്ന ആകാശം പറഞ്ഞ അറിവിനോട് നന്ദി പറഞ്ഞൊരു മടക്കയാത്ര....

     വാളംതോട് ജി ടി എല്‍ പി സ്കൂളിന്റെ വാതില്‍പ്പുറ യാത്രകളിലൊന്ന് അങ്ങനെ സമ്പൂര്‍ണ്ണമാകുന്നു.

24 Jan 2018

'സേവ് പന്തീരായിരം' കാട്ടുതീ ബോധവല്‍ക്കരണം നടത്തി.


  നിലമ്പൂര്‍ മേഖലയിലെ പ്രധാന വനമേഖലകളില്‍ ഒന്നായ പന്തീരായിരം വനമേഖലയെ കാട്ടുതീ വിമുക്തമാക്കുക എന്ന ലക്ഷ്യത്തോടെ അകമ്പാടം ഫോറസ്റ്റ് സ്റ്റേഷന്റെ അഭിമുഖ്യത്തില്‍ വാളംതോട് ജി.ടി.എല്‍.പി സ്കൂളിന്റെ സഹകരണത്തോടെ പൊതുജനങ്ങള്‍ക്കായി കാട്ടുതീ ബോധവല്‍ക്കരണം നടത്തി. എടവണ്ണ റേഞ്ച് ഓഫീസര്‍ അബ്ദുല്‍ ലത്തീഫ് സമ്മേളനം ഉദ്ഘാടനം ചെയ്തു.

21 Jan 2018

ദേവഗിരി സേവിയോ സ്കൂളിന്റെ സ്കൗട്ട് ആൻറ് ഗൈഡ് ക്യാമ്പ്


  ഈയാഴ്ച ദേവഗിരി സേവിയോ സ്കൂളിലെ സ്കൗട്ട് ആൻറ് ഗൈഡ്കൂട്ടുകാരായിരുന്നു ഞങ്ങളുടെ അതിഥികൾ..... നഗരത്തിരക്കിൽ നിന്നും വിട്ടകന്ന് വാളംതോടിന്റെ കാനനഭംഗി നുകർന്ന് മൂന്നു ദിവസത്തെ പരിശീലനം. മിടുക്കരായ കുട്ടികൾ.. പഴശ്ശി ഗുഹയിലേക്കുള്ള ട്രക്കിംഗും കോഴിപ്പാറ വെള്ളച്ചാട്ടത്തിലുള്ള കുളിയും കഴിഞ്ഞ് ഉന്മേഷത്തോടെ മടങ്ങുമ്പോൾ ഞങ്ങളുടെ ഹരിതം മധുരം 35 പദ്ധതിക്ക് 4പഴവൃക്ഷത്തൈകൾ സമർപ്പിക്കാനും അവർ മറന്നില്ല.

ഓർമ്മ മരങ്ങൾക്ക് വാളംതോട് ജി.ടി.എൽ.പി.സ്കൂളിന്റെ നന്ദി...

23 Dec 2017

ശാന്തിയുടെയും സമാധാനത്തിന്റെയും സന്ദേശവുമായി ക്രിസ്തുമസ് ആഘോഷം.


      
     ശാന്തിയുടെയും സമാധാനത്തിന്റെയും സന്ദേശവുമായി വാളംതോട് സ്കൂളില്‍ ക്രിസ്തുമസ് ആഘോഷം സംഘടിപ്പിച്ചു. ക്രിസ്തുമസ് ട്രീ ഒരുക്കിയും ,സമ്മാനങ്ങള്‍ കൈമാറിയും,കേക്കു മുറിച്ചും ആഘോഷങ്ങളില്‍ എല്ലാവരും പങ്കാളികളായി.ഹെഡ്മാസ്റ്റര്‍ ശ്രീ കെ ആര്‍ പ്രമരാജന്‍  നേത്യത്വം നല്‍കി.

21 Nov 2017

പി ഇ സി മോണിറ്ററിംഗ് നടന്നു.


  പഞ്ചായത്ത് തലത്തില്‍ സംഘടിപ്പിക്കുന്ന വാളംതോട് ജി ടി എല്‍ പി സ്കൂളില്‍ പി ഇ സി മോണിറ്ററിംഗ് നടന്നു. മോണിറ്ററിംഗിന് പഞ്ചായത്ത് പ്രസിഡന്റ് നേത്യത്വം നല്‍കി. വിവിധ കമ്മറ്റികളായി തിരിഞ്ഞ് അംഗങ്ങള്‍ സ്കൂള്‍ പ്രവര്‍ത്തനങ്ങള്‍ വിലയിരുത്തി.സ്കൂളിന്റെ നടത്തിപ്പില്‍ സമിതി സംത്യപ്തി രേഖപ്പെടുത്തി.
Related Posts Plugin for WordPress, Blogger...