ഭാരതത്തിന്റെ എഴുപത്തൊന്നാം സ്വതന്ത്ര്യദിനം വിവിധ പരിപാടികളോടെ ആഘോഷിച്ചു.

   വാളംതോട് ജി.ടി.എല്‍.പി.സ്കൂളില്‍ ഭാരതത്തിന്റെ എഴുപത്തൊന്നാം സ്വതന്ത്ര്യദിനം വിവിധ പരിപാടികളോടെ ആഘോഷിച്ചു. രാവിലെ ഒന്‍പതു മണിയോടെ സ്കൂള്‍ ഗ്രൌണ്ടില്‍ വെച്ചു നടന്ന ചടങ്ങില്‍ വാര്‍ഡ് മെമ്പര്‍ അനീഷ് അഗസ്റ്റ്യന്‍ ദേശീയ പതാക ഉയര്‍ത്തി. തുടര്‍ന്ന് സ്കൂള്‍ ലീഡര്‍  ബിമല്‍ പി ആര്‍കുട്ടികള്‍ക്ക് പ്രതിഞ്ജ ചൊല്ലിക്കൊടുത്തു.

ഉച്ചക്കഞ്ഞി പദ്ധതിയുടെ ഭാഗമായുള്ള ഗ്യാസ് അടുപ്പ് ഉദ്ഘാടനം ചെയ്തു.

       വാളംതോട് സ്കൂളില്‍ ഉച്ചക്കഞ്ഞി പദ്ധതിയുടെ ഭാഗമായുള്ള ഗ്യാസ് അടുപ്പ് വാര്‍ഡ് മെംബര്‍ ശ്രീ അനീഷ് അഗസ്റ്റ്യന്‍ ഉദ്ഘാടനം ചെയ്തു.ഓരോ ബര്‍ണര്‍ വീതമുള്ള രണ്ട് ഗ്യാസ് അടുപ്പുകളാണ് സ്കൂളില്‍ സ്ഥാപിച്ചിട്ടുള്ളത്.

ശ്രീ പ്രേമരാജന്‍ കെ ആര്‍ ഹെഡ്മാസ്റ്ററായി ചുമതലയേറ്റു.

     വാളംതോട് ജി.റ്റി.എല്‍.പി സ്കൂളിന്റെ പുതിയ ഹെഡ്മാസ്റ്ററായി ശ്രീ പ്രേമരാജന്‍ കെ ആര്‍  ചുമതലയേറ്റെടുത്തു.വാളംതോട് സ്കൂളിന്റെ  ഹെഡ്മാസ്റ്ററായി ദീര്‍ഘകാലം സേവനമനുഷ്ഠിച്ച ശ്രീ ജോസ് പി.റ്റി. സര്‍‌വീസില്‍ നിന്നും വിരമിച്ചതിനെത്തുടര്‍ന്നാണ്, ശ്രീ പ്രേമരാജന്‍ കെ ആര്‍ പ്രധാനധ്യാപകനായി  ചുമതലയേറ്റത്. വാളംതോട് സ്കൂളിലെ മുന്‍ അധ്യാപകനായ അദ്ദേഹം ജി.യു.പി. സ്കൂള്‍ മരുത ,താനൂര്‍ ഉപജില്ലയിലെ രായിമംഗലം ജി.എല്‍.പി.സ്കൂള്‍ എന്നിവിടങ്ങളില്‍ ഹെഡ്മാസ്റ്ററായി സേവനമനുഷ്ഠിച്ചിട്ടുണ്ട്.

2017-18 വര്‍ഷത്തെ പ്രവേശനോത്സവം നടന്നു.

    2017-18 വര്‍ഷത്തെ പ്രവേശനോത്സവം വാളം‌തോട് ജി.ടി.എല്‍.പി.സ്കൂളില്‍ നടന്നു. മുന്‍ ഹെഡ്‌മാസ്റ്റര്‍ ശ്രീ ജോസ് സാര്‍ കുരുന്നുകള്‍ക്ക് കത്തിച്ച മെഴുകു തിരികള്‍ നല്‍കി അക്ഷരലോകത്തേക്ക് കൈപിടിച്ചു കയറ്റി. തുടര്‍ന്നു നടന്ന ചടങ്ങ് വാര്‍ഡ് മെമ്പര്‍ ശ്രീ അനീഷ് അഗസ്റ്റ്യന്‍ ഉദ്ഘാടനം ചെയ്തു. എസ് എം സി ചെയര്‍മാന്‍ ബിജു ചക്കരമ്മാക്കല്‍ അധ്യക്ഷനായിരുന്നു. ശ്രീ സജിമോന്‍ സ്കറിയ, ശ്രീ സിറില്‍ ജോര്‍ജ്, എസ് എം.സി വൈസ്ചെയര്‍പേഴ്സണ്‍ ശ്രീമതി രാജി രാജേഷ് എന്നിവര്‍ ആശംസകള്‍ അര്‍പ്പിച്ച് സംസാരിച്ചു. തുടര്‍ന്ന് കുരുന്നുകള്‍ക്ക്  സമ്മാനങ്ങളും,  മധുര വിതരണവും നടത്തി.