ജി.ടി.എല്‍പി. സ്കൂള്‍ വാളന്തോടിന് സ്വന്തമായി ലോഗോ.

    ഹെഡ് മാസ്റ്റര്‍ ജോസ് സാറിന്റെ പരിശ്രമ ഫലമായി വാളന്തോട് സ്കൂളിന് സ്വന്തമായി ഒരു ലോഗോ എന്ന സ്വപ്നം പൂവണിഞ്ഞു. മുക്കത്തെ കേന്ദ്രം എന്ന സ്ഥാപനം ഡിസൈന്‍ ചെയ്ത ലോഗോ ഇപ്പോള്‍ ലെറ്റര്‍ പാഡുകളിലും, സ്കൂള്‍ കുട്ടികളുടെ യൂണി ഫോമിലും, ബാനറുകളിലും ഉപയോഗിച്ചു വരുന്നു. കക്കാടംപൊയില്‍ ഉള്‍പ്പെടുന്ന മലയോര മേഖലയില്‍ ആദ്യമായി  ഒരു ലോഗോ കരസ്ഥമാക്കിയത് ഈ സ്കൂളാണെന്നത് ഞങ്ങള്‍ക്ക് അഭിമാനം പകരുന്നു.

വിദ്യാലയ സൗന്ദര്യവത്ക്കരണം 2012-13 നടപ്പാക്കി.

     
          2012-13  അധ്യയന വര്‍ഷം  എസ് എസ് എ നല്‍കിയ ഒരു ലക്ഷം രൂപയുടെ ഫണ്ട് ഉപയോഗിച്ച് വാളംതോട് ജി.ടി.എല്‍.പി. സ്കൂളില്‍ വിദ്യാലയ സൗന്ദര്യവക്കരണം നടത്തി. സ്കൂള്‍ ഹെഡ്മാസ്റ്റര്‍ പി.ടി. ജോസ് സാറിന്റെ നേത്യത്വത്തിലുള്ള കമ്മറ്റി പണികള്‍ ഏറ്റെടുത്തു നടത്തുകയുണ്ടായി. രണ്ടു ക്ലാസ് മുറികളും ഓഫീസ് റൂമും ടൈല്‍സ് പാകുകയും, സ്കൂള്‍ കെട്ടിടവും കഞ്ഞിപ്പുരയും മൂത്രപ്പുരകളും മനോഹരമായ രീതിയില്‍  പെയിന്റ് ചെയ്യുകയും ചെയ്തു. കൂടാതെ ക്ലാസ് റൂമുകളുടെ ഭിത്തികളില്‍ ചിത്രകാരന്മാരെ ഉപയോഗിച്ച് പഠന സംബന്ധമായി ഓരോ വിഷയങ്ങളുമായി ബന്ധപ്പെട്ട ചിത്രങ്ങളും അക്ഷരങ്ങളും വരക്കുകയുണ്ടായി.

                                      കൂടുതല്‍ ചിത്രങ്ങള്‍ 

കക്കാടംപൊയില്‍ - നിലമ്പൂര്‍ ബസ്സിന് സ്വാഗതമോതി വാളന്തോട് സ്കൂള്‍ കുട്ടികള്‍ .

      നിലമ്പൂര്‍-കക്കാടംപൊയില്‍ ബസിന്റെ കന്നി യാത്ര മലയോരത്തിന്റെ ഉത്സവമായി മാറിയപ്പോള്‍ ജി.ടി.എല്‍ പി സ്കൂള്‍  വാളന്തോടിന്റെ ആഭിമുഖ്യത്തില്‍ സ്കൂള്‍ പരിസരത്ത്  ബസ്സിന് സ്വീകരണമൊരുക്കി.ബാനറുകള്‍ കൈകളിലേന്തി ആവേശത്തോടെ ബസ്സിനെ സ്വീകരിച്ച കുട്ടികള്‍ യാത്രക്കാര്‍ക്കെല്ലാം മധുരങ്ങളും വിതരണം ചെയ്തു.

ഈ വാര്‍ത്ത വിശദമായി വായിക്കാന്‍ താഴെയുള്ള ലിങ്കുകളില്‍ ക്ലിക്ക് ചെയ്യുക

1 മലയോരം ഉത്സവാന്തരീക്ഷത്തില്‍ കന്നി ബസ്സിനെ വരവേറ്റു

2 നിലമ്പൂരു നിന്നും കക്കാടംപൊയില്‍ വഴി തിരുവമ്പാടിയിലേക്ക് ബസ് സര്‍വീസ് ആരംഭിച്ചു.

സ്കൂള്‍ കുട്ടികള്‍ക്ക് ID കാര്‍ഡ് വിതരണം ചെയ്തു.

       വാളംതോട് ജി.ടി.എല്‍പി. സ്കൂളില്‍ കുട്ടികള്‍ക്ക് ID കാര്‍ഡ് വിതരണം ചെയ്തു. കക്കാടംപൊയില്‍ പ്രദേശത്തെ സ്കൂളുകളില്‍ വെച്ച് ആദ്യമായി ഈ സ്കൂളിലാണ് ഐ.ഡി. കാര്‍ഡ് കുട്ടികള്‍ക്ക് നല്കിയിരിക്കുന്നത്.