നാടിന്റെ ഉത്സവമാണ്, വാളന്തോട് സ്കൂളിലെ ഓണാഘോഷ പരിപാടികള്. ഇക്കൊല്ലത്തെ ഓണഘോഷ പരിപാടികള് അതിഗംഭീരമായാണ് ആഘോഷിച്ചത്. സമീപത്തുള്ള മറ്റു സ്കൂളുകളെ അപേക്ഷിച്ച് പൂര്വ വിദ്യാര്ത്ഥികളും, രക്ഷിതാക്കളും ഒരുമിച്ച് നാടിന്റെ ഉത്സവമായാണ് ഈ സ്കൂളിലെ ഓണാഘോഷ പരിപാടികള് നടക്കുന്നത്. എല്ലാ ചിലവും വഹിച്ച് രക്ഷിതാക്കള് തന്നെയാണ് ഓണ സദ്യ ഇവിടെ തയാറാക്കിയത്. കൂടാതെ നാട്ടിലെ അഭ്യുദയകാംഷികളായ ആളുകളുടെ സഹകരണത്തോടെയാണ് വിവിധ മത്സരങ്ങളില് വിജയികളായവര്ക്കു വേണ്ട സമ്മാനങ്ങളും വിതരണം ചെയ്തത്.
