2017-18 വര്‍ഷത്തെ പ്രവേശനോത്സവം വാളംതോട് ജി.ടി.എല്‍.പി.സ്കൂളില്‍ നടന്നു. മുന്‍ ഹെഡ്മാസ്റ്റര് ശ്രീ ജോസ് സാര്‍ കുരുന്നുകള്‍ക്ക് കത്തിച്ച മെഴുകു തിരികള്‍ നല്‍കി അക്ഷരലോകത്തേക്ക് കൈപിടിച്ചു കയറ്റി. തുടര്‍ന്നു നടന്ന ചടങ്ങ് വാര്‍ഡ് മെമ്പര്‍ ശ്രീ അനീഷ് അഗസ്റ്റ്യന്‍ ഉദ്ഘാടനം ചെയ്തു. എസ് എം സി ചെയര്‍മാന്‍ ബിജു ചക്കരമ്മാക്കല്‍ അധ്യക്ഷനായിരുന്നു. ശ്രീ സജിമോന്‍ സ്കറിയ, ശ്രീ സിറില്‍ ജോര്‍ജ്, എസ് എം.സി വൈസ്ചെയര്‍പേഴ്സണ്‍ ശ്രീമതി രാജി രാജേഷ് എന്നിവര്‍ ആശംസകള്‍ അര്‍പ്പിച്ച് സംസാരിച്ചു. തുടര്‍ന്ന് കുരുന്നുകള്‍ക്ക് സമ്മാനങ്ങളും, മധുര വിതരണവും നടത്തി.
